Azərbaycan, Bakı, 23 may / Trend , müxbir K.Zərbalıyeva/ Millət vəkilini şantaj etməkdə ittiham olunan jurnalistlərin işi üzrə məhkəmə prosesi başlayıb.
Cümə günü Ağır Cinayətlərə Dair İşlər üzrə Məhkəmədə millət vəkili Əhəd Əhmədovdan şantaj yolu ilə pul tələb etməkdə təqsirləndirilən "Yeni Cümhuriyyət" qəzetinin baş redaktoru Nüsrət Rəhimov, "Mühakimə" qəzetinin təsisçisi Şəmsi Mirzəyev və AzTV-nin əməkdaşı Rza Pənahovun cinayət işi üzrə hazırlıq iclası keçirilib.
Hazırlıq iclasında zərərçəkmiş şəxs,millət vəkili Əhəd Əhmədov da iştirak edib.
İş üzrə məhkəmə baxışı iyunun 4-ə təyin olunub.
Rəhimov Əhmədovun özü və ailəsi haqqında rüsvayedici faktlar yaymaq hədəsi ilə ondan 1500 dollar alarkən saxlanılıb.
Müəlliflə əlaqə saxlamaq üçün elektron ünvan - [email protected]
