Azərbaycan, Bakı, 23 iyun /TrendLife müx. Eldar Hüseynzadə/
Azərbaycanın dahi şairi Mikayıl Müşfiqin yüz illik yubileyi ilə əlaqədar Xızı rayonunun Səyadlar kəndində şairin yeni bərpa olunmuş evinin tətənəli açılışı olub. Mədəniyyət və turizm nazirliyinin mətbuat katibi Zöhrə Əliyevanın TrendLife-a verdiyi məlumata görə, tədbir mədəniyyət və turizm nazirlinin müavini Ədalət Vəliyevin rəhbərliyi ilə içtimaiyyət nümayəndələrinin iştirakı ilə keçib. İyunun 24-də Musiqili Komediya Teatrında şairin yubileyinə həsr olunmuş daha bir tədbir təşkil olunacaq. Tədbirin rejissoru Əskər Əskərov, musiqili rəhbəri İsmayıl Dadaşov olacaq.