Azərbaycan, Lənkəran, 11 iyul / Trend , muxbir P.Əliyeva/ Lənkəranda bu ilin birinci yarısında ağır və xüsusilə ağır cinayətlərin sayı iki dəfə azalıb.
Lənkəran şəhər polis şöbəsindən Trend -a bildirilib ki, 2008 -ci ilin 6 ayında rayonda 158 cinayət faktı qeydə alinib ki, bu da ötən ilin müvafiq dövrü ilə müqayisədə 38 (19,4 %) fakt azdır. Qeydə alınan cinayətlərin 11-i ağır və xüsusilə ağir cinayətlər olub.
Hesabat dövründə baş vermiş cinayət faktlarının 97,1 faizinin açılması təmin edilib. Bağlı qalmış 5 cinayət faktının 2 -si narkotiklərin qanunsuz dövriyyəsi ilə bağlıdır.
Narkotika cinayətləri ilə bağlı bu müddətdə iki İran vətəndaşı həbs olunub.
Ötən ilin müvafiq dövrü ilə müqayisədə, bağlı qalmış cinayət faktı 5 fakt azalıb. 6 ayda baş vermiş cinayət faktlarının 32-si narkotiklə bağlıdır.İlin əvvəlindən 40 nəfər axtarışda olub ki, onlardan 17 nəfərin tutulması təmin edilib.
Açılması təmin edilmiş cinayət faktlarının 21-i qadınlar, 3-ü yetkinlik yaşına çatmayanlar tərəfindən törədilib.
Müəlliflə əlaqə saxlamaq üçün elektron ünvan - [email protected]