Azərbaycan, Bakı, 24 noyabr/ Trend , müxbir R.Ergün/ Futbol üzrə Azərbaycan yığma komandasının üzvü Saşa Yunisoğlunun çıxış etdiyi "Poloniya" klubu Polşa çempionatında növbəti qələbəsini qazanıb.
"Poloniya" 15-ci tur çərçivəsində öz meydanında turnir cədvəlinin sonuncu pilləsində qərarlaşan "Qornik"i 2:0 hesabı ilə məğlub edib.
Yunisoğlu bu oyunda da iştirak etməyib.
Hesabında 31 xal olan "Poloniya" hazırda 1-ci yerdədir.
Yunisoğlu Azərbaycan yığma komandasının üzvüdür. O, noyabrın 19-da Bakıda Azərbaycan və Albaniya komandaları arasında keçirilən yoldaşlıq oyununun iştirakçısı olub.
Məqalə müəllifi ilə əlaqə ünvanı: [email protected]