Azərbaycan, Bakı, 15 yanvar/ Trend , müxbir R.Ergün/ İngiltərənin "Mançester Yunayted" futbol klubunun baş məşqçisi Ser Aleks Ferqyusson Beynəlxalq Futbol Tarixi və Statistikaları Federasiyasının (BFTSF) keçirdiyi sorğuda 2008-ci ilin ən yaxşı klub məşqçisi seçilib.
Şotlandiyalı məşqçi BFTSF-nin sorğusunda 264 xalla birinci yeri tutub.
Ferqyussonun baş məşqçisi olduğu "Mançester Yunayted" 2008-ci ildə Çempionlar Liqasının və İngiltərə Premyer-Liqasının qalibi olub.
Rusiyanın "Zenit" klubunun hollandiyalı baş məşqçisi Dik Advokat sorğuda ikinci, Ekvatorun LDU komandasının baş məşqçisi Eduardo Bauza isə üçüncü olub.
Məqalə müəllifi ilə əlaqə ünvanı: [email protected]