Azərbaycan, Bakı, 4 noyabr / Trend , müxbirH.Bağırov/
İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan mütəşəkkil dəstənin üzvlərinin məıhkəməsi başlayıb.
Trend -un məlumatına görə, çərşənbə günü Ağır Cinayətlərə Dair İşlər üzrə Məhkəmədə Kamran Şükürov, Ələkbər Pirverdiyev, Nəsimi Cəfərov və Sadət Cəfərovanın cinayət işi üzrə məhkəmənin hazırlıq iclası keçirilib.
Cinayət işi üzrə məhkəmə baxışı noyabrın 11-nə təyin edilib.
Təqsirləndirilən şəxslər bu il iyunun 29-da Milli Təhlükəsizlik Nazirliyi əməkdaşlarının kerçirdiyi əməliyyat-axtarış tədbirləri nəticəsində tutulublar. Təqsirləndirilənlər Cinayət Məcəlləsinin qaçaqmalçılıq (206.3.2), qabaqcadan əlbir olan bir qrup şəxs tərəfindən və ya mütəşəkkil dəstə, təkrar, külli miqdarda narkotik vasitələrin qanunsuz əldə etmə, saxlama və satma (234.4.1, 234.4.2, 234.4.3) maddələri ilə ittiham olunurlar.
Məqalə müəllifi ilə əlaqə ünvanı: [email protected]
