Azərbaycan, Bakı, 10 noyabr / Trend , müxbir H.Bağırov/
Azərbaycan məhkəməsi dələduzluqda ittiham olunan "Hakimiyyətin dördüncü kamerası" qəzetinin hüquq şöbəsinin müdirinin cəzasını ağırlaşdırıb.
Trend -un məlumatına görə, çərşənbə axşamı Bakı Apellyasiya Məhkəməsində Faiq Məmmədov və onun həyat yoldaşı Ceyran Məmmədovanın barəsindəki hökmdən Baş Prokurorluğun verdiyi apellyasiya protestinə baxılıb.
Məhkəmənin qərarı ilə Ağır Cinayətlərə Dair İşlər Üzrə Məhkəmənin həmin şəxslər barəsində çıxardığı hökm dəyişdirilib.
Onların barəsində təyin edilmiş 7 il şərti cəza 3 il azadlığın məhdudlaşdırılması cəzası ilə əvəz edilib.
Faiq Məmmədov həyat yoldaşı Ceyran Məmmədova ilə əlbir olub, vətəndaşların etibarından sui-istifadə edərək mənzillərini əllərindən almaqda təqsirləndiriliblər.
Təqsirləndirilən şəxslər Cinayət Məcəlləsinin külli miqdarda ziyan vurmaqla dələduzluq törətmə (178.3.2) maddəsi ilə ittiham olunublar.
Məqalə müəllifi ilə əlaqə ünvanı: [email protected]