Azərbaycan, Bakı, 17 dekabr / Trend , müxbir H.Bağırov/
Azərbaycanda həyat yoldaşını və iki uşağını xüsusi amansızlıqla qətlə yetirməkdə təqsirləndirilən şəxsə hökm oxunub.
Trend -un məlumatına görə, bu gün Ağır Cinayətlərə Dair İşlər üzrə Məhkəmənin hökmü ilə Mürsəl Mahmudova ömürlük azadlıqdan məhrumetmə cəzası verilib.
Kəlbəcər rayon sakini Mürsəl Mahmudov 2007-ci il avqustun 18-də Gəncə şəhəri, Rəfibəyli küçəsində Kəlbəcər rayonundan olan məcburi köçkünlərin məskunlaşdığı yataqxanada həyat yoldaşı 29 yaşlı Nəcibə Mahmudovanı balta ilə qətlə yetirib. Sonra Mahmudov 4 yaşlı oğlu Yusifi və 5 yaşlı qızı Fəxriyyəni yatdıqları yerdə öldürüb.
O, Cinayət Məcəlləsinin qəsdən adam öldürmə (120.2.4, 120.2.7, 120.2.8, 120.2.9 və 120.2.11) maddəsinin müxtəlif bəndləri ilə ittiham olunub.
Məqalə müəllifi ilə əlaqə ünvanı: [email protected]