İranın Mədəniyyət və İslam Əlaqələri Təşkilatının sədri Mehdi Müstəfəvi bu gün Türkiyəyə səfər edib. Bu barədə Trend İranın İRNA xəbər agentliyinə istinadən məlumat verir.
Müstəfəvi beşgünlük səfəri zamanı Türkiyənin diyanət işləri başqanı Əli Bardakoğlu, Baş nazirin müavini Bülənt Arıc və Türkiyənin dövlət naziri Faruq Çelik ilə görüşərək müzakirələr aparacaq.
Müstəfəvi Ankarada Quran sərgisinin açılışında iştirak edəcək. Onun Konya və İstanbul şəhərlərinə də səfər edəcəyi planlaşdırılır.