Azərbaycan, Bakı, 9 iyun /Trend, müxbir M. Əliyev/
Azərbaycan və Belarus arasında təhsil sahəsində niyyət protokolu imzalanacaq. Bu barədə Trend-ə Gənclər və İdman Nazirliyinin mətbuat xidmətindən bildiriblər.
Tələbə Gənclər Təşkilatları İttifaqında 11 iyun tarixində imzalanma mərasimində Belarus Təhsil Nazirliyinin nümayəndə heyətinin üzvləri iştirak edəcəklər.
Azərbaycana 10 iyun tarixində səfər edəcək nümayəndə heyəti Bakı Şəhər Gənclər və İdman Baş İdarəsi, Tələbə Gənclər Təşkilatları İttifaqı, Azərbaycan Gənclər Təşkilatlarının Milli Şurası, "İrəli" İctimai Birliyinin ofisində görüşlər keçirəcək.