RED. əlavəsi: Üçüncü abzasa əlavə edilib
Azərbaycan, Bakı, 24 iyul /Trend, müxbir Y.Ostapenko/
Cümə günü Tükənməkdə olan flora və fauna növlərinin beynəlxalq ticarəti üzrə Konvensiyanın Katibliyi (CİTES) 2010-cu ildə Xəzəryanı dövlətlərin qara kürü və digər nərə balığı məhsullarının ixrac kvotasını açıqlayıb. Bu barədə BMT-nin rəsmi saytı məlumat verir.
Kvotalar Azərbaycan, İran, Qazaxıstan, Rusiya və Türkmənistan nümayəndələrinin görüşündə razılaşdırılıb. CİTES-in kürü və nərə balığı əti üzrə yeni icazəsi 2010-cu il martın 1-dən 2011-ci il fevralın 28-dək qüvvədədir.
Son illər Xəzər dənizində nərə balığı ehtiyatlarının azaldığını etiraf edərək, Xəzəryanı dövlətlər bu balıq növünün ovlanması üzrə kvotanın azaldılması barədə razılığa gəliblər. Bu razılaşmaların kontekstində 2010-cu ildə kürü və nərə balığı ovunun ixracı üzrə ümumi kvota belə kvotaların son dəfə təsdiqləndiyi 2008-ci illə müqayisədə azaldılıb. Azərbaycanın Xəzərdə balıq ovu üzrə kvotası 2008-ci illə müqayisədə yeddi faiz azaldılaraq 6,7 faiz təşkil edib.
2009-cu ildə Azərbaycan, İran, Qazaxıstan, Rusiya və Türkmənistan CİTES-in xaricə kürü satışı üzrə razılığını ala bilməmişdilər. Çünki onlar ixracın həcminə dair öz aralarında razılıq əldə etməmişdilər.
2001-ci ildə "Paris sazişi" adlanan razılaşmaya uyğun olaraq, Azərbaycan, Qazaxıstan, Rusiya və Türkmənistandan kürü ticarəti dayandırılmışdı. Bu ölkələrə 2001-ci ilin sonunadək vaxt verilmişdi ki, onlar nərə balığı ehtiyatlarının elmi tədqiqatını aparsınlar, balıq ovunun tənzimlənməsinin və saxlanmasının birgə planını hazırlasınlar. Beşinci Xəzəryanı dövlətə - İrana münasibətdə kürü ticarətinin qadağan olunması barədə ölçülər qəbul olunmasa da, o da digər dövlətlərin səylərinə qoşulub.
SİTES-in, eləcə də 2010-cu il üçün müəyyən etdiyi kvotalar dövlətlərin özləri tərəfindən təqdim olunan məlumatlara, həmçinin, region dövlətlərinin nərə balıqlarının ovunun tənzimləndirilməsini möhkəmləndirmələri və brokenyerliklə mübarizə üzrə tədbirlər gördüklərini təsdiqləyən beynəlxalq ekspertlərin işlərinin nəticələrinə əsaslanır.