Azərbaycan, Bakı, 8 oktyabr /Trend, müxbir K. Zərbalıyeva/
Avropa İnsan Hüquqları Məhkəməsi oktyabrın 14-də Səfərovanın Azərbaycana qarşı işi üzrə qərarını açıqlayacaq.
Avropa Məhkəməsinin yaydığı məlumata görə, Səfərova Konvensiyanın 1 saylı Protokolunun 1-ci maddəsi ilə təminat verilən mülkiyyət hüququnun, Konvensiyanın 6-cı maddəsinin1-ci bəndi ilə qorunan ədalətli məhkəmə araşdırması hüququnun və Konvensiyanın 13-cü maddəsi ilə təminat verilən səmərəli müdafiə vasitələri hüququnun pozuntusu ilə bağlı məhkəməyə şikayət edib.
Ərizəçi, şikayətinin ölkədaxili məhkəmələrdə təmin edilməsinə baxmayaraq, qanuni qüvvəyə minmiş məhkəmə qərarının hələ də onun xeyrinə icra olunmamasından şikayət edir.