Tehranda Tələbələr günündə Tehran Politexnik Universitetinin 15 tələbəsi həbs olunub. Bu barədə cümə axşamı müxalifətin /kaleme.com/ rəsmi saytı məlumat verib.
İlkin istintaqdan sonra gənclərdən 10-u buraxılıb, beş nəfər isə Milli Təhlükəsizlik Nazirlyinin əməkdaşları tərəfindən döyülərək Evin həbsxanasına göndərilib.
İranda ənənəvi olaraq dekabrın 7-də qeyd olunan Tələbələr günündə Tehran Politexnik Universitetinin minə yaxın tələbəsi etiraz aksiyası keçirərək, İran müxalifətinin lideri Mirhüseyn Musəviyə dəstək nümayiş etdiriblər.