Azərbaycan, Bakı, 19 aprel /Trend, müxbir Z.Əhmədova/
Son iki sınaq imtahalrının göstəricilərinə əsasən, 2011/2012-ci tədris ili üçün abituriyentlərin bilik səviyyəsinin hazırlığı ötən ilin sınaq imtahanlarının nəticələrinə uyğundur. Trend-in məlumatına görə, bu barədə çərşənbə axşamı jurnalistlərə Tələbə Qəbulu üzrə Dövlət Komissiyasının sədri Məleykə Abbaszadə deyib.
"Bu il və ötən il keçirilmiş sınaq imtahanlarında abituriyentlərin əldə etdiyi nəticələr arasında xüsusi fərq müşahidə edilmir", - TQDK sədri bildirib.
Onun sözlərinə görə, sınaq imtahanlarına bütün abituruyentlərin cəmi 40 faizi gəlir.
"Qalan abituriyentlər artıq qəbul imtahanlarına gəlirlər. 2011/2012-ci tədris ili üçün abituriyentlərin bilik səviyyəsi haqqında bütün sınaq imtahanları keçirildikdən sonra fikir söyləmək olar", - Abbaszadə əlavə edib.