Azərbaycan, Bakı, 16 iyun /Trend/
Azərbaycanın futbol hakimləri beynəlxalq oyunlara yeni təyinat alıblar.
Azərbaycan Futbol Federasiyaları Assosiasiyasından (AFFA) Trend-ə verilən məlumata görə, FİFA referisi Anar Salmanov və çimərlik futbolu üzrə FİFA referisi Fuad Həsənov yeni təyinat alıblar.
Anar Salmanov 19 yaşadək futbolçulardan ibarət komandalar arasında Avropa çempionatının iyulun 20-dən avqustun 1-ə qədər Rumıniyada keçiriləcək final mərhələsinin oyunlarında iştirak edəcək. Fuad Həsənov isə çimərlik futbolu üzrə Avropa çempionatının iyulun 7-dən 10-dək Almaniyanın Berlin şəhərində təşkil olunacaq seçmə mərhələ oyunlarında meydana çıxacaq.