...

Mətbuat Şurası mətbuat xidmətlərinin təmsilçiləri üçün treninq keçirəcək

Cəmiyyət Materials 26 İyul 2011 16:02
Mətbuat Şurası (MŞ) mətbuat xidmətlərinin təmsilçiləri üçün treninq keçirəcək.
Mətbuat Şurası mətbuat xidmətlərinin təmsilçiləri üçün treninq keçirəcək

Trend-i buradan izləyin

Azərbaycan, Bakı, 26 iyul /Trend, müxbir T.Hacıyev/

Mətbuat Şurası (MŞ) mətbuat xidmətlərinin təmsilçiləri üçün treninq keçirəcək. Şuradan çərşənbə axşamı Trend-ə verilən məlumata görə, tədbir MŞ-nin və Avropa Şurasının ölkəmizdəki nümayəndəliyinin birgə layihəsi çərçivəsində baş tutacaq.

İyulun 30-31-də Goranboy rayonunda baş tutacaq tədbirə sözügedən rayonla yanaşı, ətraf bölgələrin - Yevlax, Bərdə, Ağdam, Ağcabədi və Tərtər rayonlarının yerli hakimiyyət orqanlarının mətbuat xidmətlərinin təmsilçiləri qatılacaqlar. Treninq-məşğələdə həmçinin nazirlik və dövlət komitələrinin mətbuat xidməti və ictimaiyyətlə əlaqə bölmələri rəhbərlərinin iştirakı da nəzərdə tutulur.

MŞ-nin Avropa Şurasının ölkəmizdəki nümayəndəliyi ilə birgə layihəsində məqsəd mətbuat xidməti institutunun ümumilikdə ictimaiyyətlə əlaqələr sektorunda oynadığı rolun kompleks təhlilini aparmaqdan, informasiya-kommunikasiya texnologiyalarının ən yeni metodlarının tətbiqində bu qurumların rolu və mövqeyinin artırılması xüsusiyyətlərini müəyyənləşdirməkdən, mövcud istiqamətdəki problemlərin aradan qaldırılmasına effektiv təsir göstərməkdən ibarətdir.

Xəbər lenti

Xəbər lenti