Azərbaycan, Bakı, 4 sentyabr /Trend/
Azərbaycanda növbəti həftənin ilk iş günü hava mülayim keçəcək. Bu barədə bazar günü Trend-ə Ekologiya və Təbii Sərvətlər Nazirliyinin mətbuat xidmətindən məlumat verilib.
Sentyabrın 5-də Bakıda və Abşeron yarımadasında hava dəyişkən buludlu, yağmursuz keçəcək. Lakin gecəyə doğru havanın tutulacağı gözlənilir. Temperatur gecə 17-22°, gündüz 25-30° isti olacaq. Bakıda gecə 20-22° , gündüz 28-30° isti təşkil edəcək.
Atmosfer təzyiqi 759 millimetr civə sütunundan 762 millimetr civə sütununadək yüksələcək, nisbi rütubət 65-75 faiz olacaq.
Abşeron çimərliklərində dəniz suyunun temperaturu 23-24° isti təşkil edəcəkdir.
Azərbaycanın rayonlarında da hava əsasən yağmursuz keçəcək, lakin axşam bəzi yerlərdə şimşək çaxacağı, qısamüddətli yağış yağacağı gözlənilir. Temperatur gecə 15-20°, gündüz 27-320 isti olacaq.