Azərbaycan, Bakı, 28 sentyabr /Trend, müxbir T.Cəfərov/
İslam ölkələrinin çimərlik futbolu üzrə qadınlardan ibarət komandaları arasında ilk çempionat İranda keçiriləcək. Bunu İranın Qadın Çimərlik Futbol Federasiyasının rəhbəri xanım Pərya Şəhriyari deyib. Bu barədə Trend İranın İRNA dövlət xəbər agentliyinə istinadən məlumat verir.
Şəhriyarı bu çempionatın ilin sonunadək (İranda il martın 21-də dəyişir) keçiriləcəyini deyib.
"Çempionatın keçirilməsinin dəqiq vaxtını iştirakçı komandalar dəqiqləşəndən sonra açıqlayacağıq", - federasiya rəhbəri deyib.