Azərbaycan, Bakı, 7 dekabr /Trend, müxbir İ.İsabalayeva/
Azərbaycan Milli Elmlər Akademiyasının Arxeologiya və Etnoqrafiya İnstitutu yaxın günlərdə ən qədim Bərdə şəhəri ilə bağlı arxeoloji tədqiqatların aparılmasına başlayacaq.
Bu barədə çərşənbə günü Trend-ə Azərbaycan Milli Elmlər Akademiyasının Arxeologiya və Etnoqrafiya İnstitutunun Bərdə Arxeoloji Ekspedisiyasının rəisi, tarix-elmlər doktoru, professor Arif Məmmədov məlumat verib.
O bildirib ki, bununla bağlı Bərdədəki Şortəpə abidələr kompleksinə aid Balatəpə yaşayış yerində qazıntılar aparılacaq. Balatəpə yaşayış yeri son eneoloit - ilk tunc dövrünə aiddir. Burada ən qədim Bərdə şəhərinin olması haqqında müəyyən fikirlər var. Tədqiqat işlərinin aparılmasında məqsəd Bərdənin daha qədimliyini sübut etmək üçün əlavə faktlar aşkarlamaqdır.