Azərbaycan, Bakı, 26 aprel /Trend, müxbir M.Əliyev/
Azərbaycan Respublikası Prezidenti yanında Elmin İnkişafı Fondu fəaliyyəti dövründə 3 plagiat iş aşkarlayıb. Trend-in məlumatına görə, bunu jurnalistlərə EİF-in sədri Elçin Babayev deyib.
"Bunların müzakirələri o qədər gərgin keçib ki, anonimlik şərtini pozmağa razı olan alimlər də var idi. Lakin biz belə elmi forumlarda etik normaları gözləməyə çağırırıq", - fond sədri əlavə edib.
Babayev qeyd edib ki, EİF-ə daxil olan bütün layihələrin müəlliflik hüquqları tam qorunur. Hansısa mübahisəli məsələ ortaya çıxarkən da fond onu Müəllif Hüquqları Agentliyi ilə birgə sonadək araşdırmağa hazırdır.
Onun sözlərinə görə, EİF-də çox güclü elektron məlumat bazası yaradılıb və zənginləşdirilir. Bu baza hesabına fond onlara daxil olan layihələrin paralel olaraq digər qurumlara da göndərilməsi, işlənilmiş mövzular barədə məlumatlar alır.