...

Azərbaycanda yeni körpünün tikintisi davam etdirilir(FOTO)

Cəmiyyət Materials 26 İyul 2012 11:32 (UTC +04:00)
Ələt-Astara-İran İslam Respublikası ilə dövlət sərhədi avtomobil yolunun layihəsi çərçivəsində Masallı-Astara avtomobil yolunun 31,864 km-də yeni körpünün tikintisinə başlanılıb.
Azərbaycanda yeni körpünün tikintisi davam etdirilir(FOTO)

Azərbaycan, Bakı, 26 iyul /Trend, müxbir E.İsmayılov/

Ələt-Astara-İran İslam Respublikası ilə dövlət sərhədi avtomobil yolunun layihəsi çərçivəsində Masallı-Astara avtomobil yolunun 31,864 km-də yeni körpünün tikintisinə başlanılıb. Bu barədə Trend-ə "Azəriyolservis" ASC-nin mətbuat xidmətinin rəhbəri Pünhan Mürsəliyev məlumat verib.

Mürsəliyev deyib ki, Lənkəran çayının üzərindən keçəcək körpünün uzunluğu 216,3 metr, eni 28 metrdir. 6 aşırımdan ibarət olacaq körpüdə hazırda özül işləri və nəzərdə tutulan giriş-çıxış yollarında torpaq işləri həyata keçirilir.

Layihə üzrə işlərin 11%-i yerinə yetirilib. Körpünün inşasının 2014-cü ildə başa çatdırılması planlaşdırılır.

Xəbər lenti

Xəbər lenti