Azərbaycan, Bakı, 10 oktyabr /Trend, müxbir İ.İsabalayeva/
Bakı Şəhər İcra Hakimiyyəti paytaxtda məscid kompleksi tikintisi üçün tender elan edib.
İcra Hakimiyyətindən çərşənbə günü Trend-ə verilən məlumata görə, "Dövlət satınalmaları haqqında" qanuna uyğun olaraq keçirilən tenderdə iştirak etmək istəyənlər noyabrın 14-ü saat 17:00-dək tələb olunan sənədləri tender komissiyasına təqdim etməlidirlər. İddiaçılar tender təkliflərini noyabrın 22-si saat 17:00-dək təqdim etməlidirlər. Tender proseduru noyabrın 23-də saat 16:00-da Bakı Şəhər Mənzil-Kommunal Təsərrüfatı Departamentinin binasında keçiriləcək.