Azərbaycan, Bakı, 4 noyabr /Trend/
Sabah Azərbaycanın bəzi ərazilərində, paytaxt Bakıda buludlu və yağışlı hava şəraiti proqnozlaşdırılır.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, noyabrın 5-də Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Günün birinci yarısında yarımadanın bəzi yerlərində qısamüddətli az yağış yağacağı ehtimalı var.
Bakıda temperatur gecə 13-15°, gündüz 18-20° isti olacaq.
Azərbaycanın rayonlarında noyabrın 5-də hava əsasən yağmursuz keçəcəkdir. Gecə və səhər bəzi yerlərdə duman olacaq.
Temperaturun gecə 9-14°, gündüz 17-22° isti olacağı gözlənilir.