Azərbaycan, Bakı, 6 may /Trend, müxbir E.Tariverdiyeva/
İran martın 21-dən başlayan cari təqvim ilində çörəyə görə pul şəklində subsidiyaları ödəməyəcək. Trend-in bazar ertəsi "Mehr News" agentliyinə istinadən verdiyi məlumata görə, bunu Subsidiya islahatlarının mənzil-qərargahının rəhbəri Məhəmməd Rza Fərzin deyib.
Onun sözlərinə görə, ötən il qiymətlərin mütəmadi artımı ilə əlaqədar çörəyə görə subsidiyalar qismində insanlara xüsusi məbləğlər ödənilib. Lakin o qeyd edib ki, qiymətlərin artırılmayacağına görə subsidiyalar da ləğv ediləcək.