Azərbaycan, Bakı, 9 oktyabr /Trend, müxbir İ.İsabalayeva/
Ucqar orta məktəblərdə şagirdlərin davamiyyətinə nəzarət məqsədilə davamlı tədbirlər həyata keçiriləcək. Trend Təhsil Nazirliyinin saytına istinadən xəbər verir ki, bu tədbirlər yerli təhsil orqanları və digər aidiyyəti təşkilatlarla birgə aparılacaq.
Təhsil Nazirliyi eyni zamanda, 12 illik təhsil sisteminə keçidin nə zaman gerçəkləşəcəyinə aydınlıq gətirib. Nazirlik bildirib ki, 12 illik təhsilə keçidlə bağlı zəruri tədbirlərin həyata keçirilməsi "Azərbaycan - 2020: Gələcəyə Baxış" İnkişaf Konsepsiyasında nəzərdə tutulub.