Azərbaycan, Bakı, 22 oktyabr /Trend, müxbir M.Əliyev/
Azərbaycan Milli Məclisinin çərşənbə axşamı keçirilən iclasında "Əhalinin sağlamlığı haqqında" qanuna dəyişiklik olunub. Trend-in məlumatına görə, layihəni parlamentin Sosial siyasət komitəsinin sədri Hadı Rəcəbli təqdim edib.
H.Rəcəbli bildirib ki, qeysəriyyə kəsiyi əməliyyatının qeyri-qanuni aparılmasına imkan verən klinikalar və şəxslər məsuliyyətə cəlb olunacaqlar. Dəyişikliklər bu sahədə sui-istifadə hallarının qarşısının alınmasına xidmət edəcək.
Dəyişikliyə əsasən, qeysəriyyə kəsiyi əməliyyatının dövlət və qeyri-dövlət tibb müəssisələrində aparılmasına icazə verilir və bu icazə tibb müəssisələrinə müvafiq icra hakimiyyəti orqanı tərəfindən verilir.