Azərbaycan, Bakı, 6 noyabr /Trend, müxbir İ.İsabalayeva/
Azərbaycan Milli Elmlər Akademiyasında (AMEA) yeni şura yaradılıb.
Trend-in məlumatına görə, yeni şura İnnovativ Layihələrin Ekspertizası və Koordinasiyası Şurası adlanır.
Akademiyanın vitse-prezidenti İbrahim Quliyev Rəyasət Heyətinin bu gün keçirilən iclasında bildirib ki, ölkədə elmi tədqiqatların nəticələrinin iqtisadiyyatın müxtəlif sahələrində tətbiqi zərurəti yaranıb:
"Bu, elmi fəaliyyət sahəsində innovativ mexanizmlərin tətbiqi sahəsində islahatların həyata keçirilməsinin vacibliyini önə çıxarır".