...

ƏƏSMN: Ötən il 62 insan alveri qurbanına yardım göstərilib

Cəmiyyət Materials 20 Fevral 2014 11:16 (UTC +04:00)
Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin tabeliyindəki İnsan Alveri Qurbanlarına Yardım Mərkəzi tərəfindən 2013-cü il ərzində 62 nəfər insan alveri qurbanına müvafiq yardım göstərilib.
ƏƏSMN: Ötən il 62 insan alveri qurbanına yardım göstərilib

Trend-i buradan izləyin

Azərbaycan, Bakı, 20 fevral /Trend/

Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin tabeliyindəki İnsan Alveri Qurbanlarına Yardım Mərkəzi tərəfindən 2013-cü il ərzində 62 nəfər insan alveri qurbanına müvafiq yardım göstərilib.

Nazirliyin mətbuat xidmətindən Trend-ə verilən məlumata görə, onlardan 44 nəfəri Daxili İşlər Nazirliyinin İnsan Alverinə qarşı Mübarizə İdarəsi, 18 nəfəri isə müxtəlif QHT-lər tərəfindən Mərkəzə yönləndirilib.

İnsan alverinin qurbanı olmuş şəxslərdən 11 nəfəri münasib işlərlə, 7 nəfəri sığınacaqla, 2 nəfəri maddi, 8 nəfəri psixoloji və 6 nəfəri hüquqi yardımla təmin olunub, 3 nəfəri peşə hazırlığı kurslarına cəlb edilib.

Digərlərinin də cəmiyyətə reinteqrasiyası və sosial reabilitasiyası istiqamətində aidiyyatı üzrə tədbirlər görülüb.

Mərkəz insan alveri haqqında və insan alveri qurbanları ilə davranış qaydaları ilə bağlı məlumatlılığın artırılması və insan alverinin qarşısının alınması məqsədilə ölkənin müxtəlif regionlarında maarifləndirmə işləri aparıb.

Məqalədə:
Xəbər lenti

Xəbər lenti