Azərbaycan, Bakı, 29 may /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) mayın 30-da Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr İnstitutunda (MDBƏİ) təhsil almaq istəyən Azərbaycan vətəndaşları üçün qəbul imtahanı keçirəcək.
Komissiyadan Trend-ə verilən məlumata görə, Azərbaycan vətəndaşlarının bakalavriatura səviyyəsində MDBƏİ-də təhsil alması üçün 3 yer (ödənişsiz əsaslarla) təqdim olunub.
Müsabiqədə iştirak etmək üçün qeydiyyat TQDK-da aparılıb. MDBƏİ-yə qəbul imtahanında iştirak etmək üçün 8 nəfər qeydiyyatdan keçib.
İmtahandan keçən namizədlər üçün müsahibə TQDK-da 2014-cü il iyunun 2-də saat 15:00-da keçiriləcək.