Azərbaycan, Bakı, 24 oktyabr /Trend/
Avropa İttifaqı (Aİ) "Şərq tərəfdaşlığı" ölkələri (Azərbaycan, Ermənistan, Belarus, Gürcüstan, Moldova, Ukrayna) üçün rus dilində informasiya telekanalının yaradılması üzərində fəal iş aparır.
Trend-in TASS-a istinadən verdiyi məlumata görə, telekanal polşalı Yeji Pomyanovskinin rəhbərlik etdiyi Avropa Demokratiyaya Dəstək Fondunun himayəsi ilə yaradılır.
Polşa Xarici İşlər Nazirliyi gələn il üçün telekanalın maliyyələşdirilməsinə artıq 1 milyon dollar ayırıb.