...

Bakıda "avtoş"ların həftəlik "məharəti"

Cəmiyyət Materials 27 Oktyabr 2014 11:50
Bakıda 14 avtoxuliqanlıq edən sürücü inzibati məsuliyyətə cəlb edilib.
Bakıda "avtoş"ların həftəlik "məharəti"

Trend-i buradan izləyin

Azərbaycan, Bakı, 27 oktyabr /Trend, müxbir Elçin Mehdiyev/

Bakıda avtoxuliqanlıq edən 14 sürücü inzibati məsuliyyətə cəlb edilib.

Daxili İşlər Nazirliyi (DİN) Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsindən Trend-ə bildirilib ki, oktyabrın 18-dən 25-dək - bir həftə ərzində paytaxtın inzibati ərazisində 28 yol-nəqliyyat hadisəsi qeydə alınıb. Qəzalar nəticəsində 7 nəfər ölüb, 37 nəfər xəsarət alıb.

Həftə ərzində avtomobili sərxoş halda idarə edən 265, qəza şəraiti yaradan 66, işıqforun qırmızı işığında hərəkət edən 268, sərnişindaşımada yol hərəkəti qaydalarını pozan 25, ötmə və manevretmə qaydalarını pozan 173, polisin qanuni əmrinə tabe olmayan 58, avtomobili icazə verilməyən pərdə və plyonka ilə idarə edən 25 sürücü aşkar edilərək inzibati məsuliyyətə cəlb olunub.

Bundan əlavə, yol hərəkəti qaydalarını pozan 2138 piyada inzibati məsuliyyətə cəlb edilərək cərimələnib.

Məqalədə:
Xəbər lenti

Xəbər lenti