...

Neftçalada dələduzluq edən "FHN-çi" qadına cinayət işi açılıb

Cəmiyyət Materials 8 Dekabr 2014 12:02
Vətəndaşların "Qaynar xətt"ə etdikləri müraciət üzrə cinayət işi başlanıb.
Neftçalada dələduzluq edən "FHN-çi" qadına cinayət işi açılıb

Trend-i buradan izləyin

Azərbaycan, Bakı, 8 dekabr /Trend, müxbir İlkin İzzət/

Vətəndaşların "Qaynar xətt"ə etdikləri müraciət üzrə cinayət işi başlanıb.

Baş Prokurorluğun mətbuat xidmətindən Trend-ə verilən məlumata görə, Neftçala rayonundan olan bir qrup sakinin 161 saylı "Qaynar xətt" əlaqə mərkəzinə daxil olmuş müraciətləri Baş prokuror yanında Korrupsiyaya qarşı Mübarizə Baş İdarəsində araşdırılıb.

Araşdırmalar zamanı özünü Fövqəladə Hallar Nazirliyinin əməkdaşı kimi təqdim etmiş Fidan Qarazadənin 2014-cü ilin iyun-oktyabr ayları ərzində Neftçala rayon sakinlərindən onları nazirliyin Dövlət Yanğından Mühafizə Xidmətinin ayrı-ayrı qurumlarına işə düzəldilməsini vəd edərək aldatma yolu ilə ümumilikdə 71 min manat məbləğində pul vəsaitini ələ keçirməsində şübhələr üçün əsaslar olduğundan fakta görə Cinayət Məcəlləsinin 178.3.2 (dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə cinayət işi başlanıb.

Hazırda iş üzrə istintaq tədbirləri davam etdirilir.

Məqalədə:
Xəbər lenti

Xəbər lenti