Azərbaycan, Bakı, 24 sentyabr /Trend, müxbir Elmir Murad/
Dövlət Gömrük Komitəsi ali məktəb məzunları üçün test imtahanı keçirib.
Komitədən Trend-ə verilən məlumata görə, əvvəlcə Attestasiya Komissiyasının üzvləri imtahan iştirakçılarına test üsulunun qaydaları haqda məlumat verib. Daha sonra imtahana gələnlər öz biliklərini sınayıblar.
Xatırladaq ki, DGK nəzdində Attestasiya Komissiyası üzvlərinin iştirakı ilə aparılan test imtahanlarında daha çox bal toplayan gənclər kadr ehtiyatı siyahısında özlərinə yer alacaqlar.