...

Xəzər dənizinin sahil zolağında iməcilik keçirilib

Cəmiyyət Materials 3 Oktyabr 2015 13:31 (UTC +04:00)
Ekologiya və Təbii Sərvətlər Nazirliyi “Xəzər həftəsi” çərçivəsində sahil zolağı rayonların yerli icra strukturlarını, eləcə də bütün ictimaiyyət nümayəndələrini bu kimi tədbirlərdə fəal iştirak etməyə çağırır.
Xəzər dənizinin sahil zolağında iməcilik keçirilib

Azərbaycan, Bakı, 3 oktyabr /Trend/

Hər il dünyada ənənəvi olaraq qeyd olunan "Beynəlxalq dəniz günü" ölkəmizdə də "Xəzər həftəsi" adı altında müxtəlif kütləvi tədbirlərlə yadda qalır.

"Xəzər həftəsi" çərçivəsində Ekologiya və Təbii Sərvətlər Nazirliyi (ETSN) tərəfindən keçirilən bütün tədbirlər dənizin ekoloji cəhətdən saflığının və davamlılığının qorunmasına, onun sərvətlərinin mühafizə olunmasına, eyni zamanda ictimaiyyətin maarifləndirilməsinə yönəlib.

Nazirliyin mətbuat xidmətindən Trend-ə verilən məlumata görə, 3 oktyabr 2015-ci il tarixində ETSN-in müvafiq qurumlarının əməkdaşları, yerli icra strukturları, bələdiyyələr və ictimaiyyət nümayəndələrinin iştirakı ilə Buzovna qəsəbəsi ərazisində Xəzər dənizinin sahil zolağında iməcilik keçirilib.

100 nəfərdən artıq adamın iştirak etdiyi iməcilikdə Xəzər dənizinin sahil zolağının 10 hektar ərazisi 12 m3-dən artıq bərk məişət və digər növ tullantılardan təmizlənib.

Ekologiya və Təbii Sərvətlər Nazirliyi "Xəzər həftəsi" çərçivəsində sahil zolağı rayonların yerli icra strukturlarını, eləcə də bütün ictimaiyyət nümayəndələrini bu kimi tədbirlərdə fəal iştirak etməyə çağırır.

Məqalədə:
Xəbər lenti

Xəbər lenti