Bakı. Elmir Murad - Trend:
"Arzu edirik ki, yeni ildən həm Dağlıq Qarabağ münaqişəsinə, həm Yaxın Şərqdə münaqişələrə son qoyulsun".
Trend-in məlumatına görə, bunu Qafqaz Müsəlmanları İdarəsinin sədri Şeyxülislam Hacı Allahşükür Paşazadə bu gün Məhəmməd peyğəmbərin (ə.s) Mövludu günü ilə bağlı keçirilən tədbirdə deyib.
QMİ sədri Suriya və Yaxın Şərqdəki hadisələrdən danışıb: "Suriyada, Yəməndə, İraqda və digər ərəb ölkələrində yaşanan qırğınlar qardaş qırğınıdır. Bu cür iğtişaş və müharibələr yolverilməzdir. Bizim də Dağlıq Qarabağ kimi yaralı yerimiz var".