Bakı. Samir Əli - Trend:
Bakının Xətai rayonu ərazisində qətl hadisəsi baş verib.
Xətai rayon Prokurorluğundan Trend-ə verilən məlumata görə, hadisə “Demirchi Tower” biznes mərkəzində baş verib. 1989-cu il təvəllüdlü Bəşirov Elşən Rəfayət oğlu Bakı şəhər sakini 1993-cü il təvəllüdlü Ağalı Əli Valid oğlunu qətlə yetirib. Qətl hadisəsini törədən şəxs saxlanılıb.
Faktla bağlı Xətai rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanılıb.