...

50 əlilliyi olan şəxs Nabran istirahət mərkəzinə yola salınıb (FOTO)

Cəmiyyət Materials 13 İyun 2017 12:51
Əmək və Əhalinin Sosial Müdafiəsi Nazirliyi (ƏƏSMN) tərəfindən daha 50 nəfər əlilliyi olan şəxs Nabran istirahət mərkəzinə yola salınıb.
50 əlilliyi olan şəxs Nabran istirahət mərkəzinə yola salınıb (FOTO)

Trend-i buradan izləyin

Bakı. Trend:

Əmək və Əhalinin Sosial Müdafiəsi Nazirliyi (ƏƏSMN) tərəfindən daha 50 nəfər əlilliyi olan şəxs Nabran istirahət mərkəzinə yola salınıb.

Bu barədə Trend-ə Nazirliyin İctimaiyyətlə əlaqələr şöbəsindən məlumat verilib.

ƏƏSMN-in “2017-ci ildə əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı”na uyğun olaraq, 50 nəfər əlilliyi olan şəxs Xaçmaz rayonunda yerləşən Nabran istirahət mərkəzinə göndərilib.

Qeyd olunan şəxslərin yola salınması zamanı ölkəmizdə əlilliyi olan insanların hüquqlarının təmin olunması, maddi təminatlarının artırılması sahəsində aparılan işlərdən bəhs olunub. Bu təbəqədən olan şəxslərə yönələn sosial ödənişlərin mütəmadi olaraq artırıldığı, onların tibbi-sosial reabilitasiyası və cəmiyyətə fəal inteqrasiyası istiqamətində tədbirlərin ildən-ilə gücləndirildiyi vurğulanıb.

Bildirilib ki, əlilliyi olan şəxslərin cəmiyyətin digər üzvləri ilə bərabər imkanlara malik olmaları üçün görülən tədbirlərdən biri də onların asudə vaxtının təşkil edilməsidir. Belə ki, hər il yaz-yay mövsümündə 1000 nəfərdən çox əlilliyi olan vətəndaşın təbiətin səfalı guşələrində istirahət etmələrinə şərait yaradılır. Cari ildə də bu işlər davam etdirilir və bu il əvvəlki illərdən fərqli olaraq daha çox şəxsin, yəni 1100 nəfərdən artıq əlilliyi olan vətəndaşın istirahətə göndərilməsi nəzərdə tutulub. Hazırda göndərilən şəxslər də daxil olmaqla, onlardan artıq 560 nəfərinin Lənkəran, Xaçmaz, Quba rayonlarındakı istirahət mərkəzlərinə göndərilməsi təmin olunub. Əlilliyi olan şəxslərin istirahətinin təşkili tədbirləri mövsümün sonuna qədər davam etdiriləcək.

Yola salınan insanlar yay günlərində istirahətlərinin təşkil olunmasından razı qaldıqlarını vurğulayıb, daim yüksək diqqət və qayğı ilə əhatə olunduqlarına görə Azərbaycan Prezidenti İlham Əliyevə minnətdarlıqlarını ifadə ediblər.

Məqalədə:
Xəbər lenti

Xəbər lenti