Bakı. Maksim Tsurkov - Trend:
Rusiyanın “AirBridgeCargo” yük aviaşirkəti Moskva-Bakı-Honq Konq marşrutu üzrə Bakı-Honq Konq məkanından keçmək hüququ ilə yükdaşıma icazəsi alıb.
Trend-in məlumatına görə, bu barədə Rusiya Hava Nəqliyyatı Federal Agentliyinin Aviadaşıyıcıların beynəlxalq daşımalara buraxılması üzrə komissiyasının protokolunda qeyd olunub.
Protokolda bildirilir ki, “AirBridgeCargo” aviaşirkəti həftədə dörd dəfə olmaqla Moskva-Bakı-Honq Konq marşrutu üzrə yükdaşımalar həyata keçirəcək.
Qeyd edək ki, “AirBridgeCargo” aviaşirkəti 2004-cü ildə yaradılıb.