...

Sahilə “Kamaz”lardan tullantı boşaldanlar cərimə olundu

Cəmiyyət Materials 20 İyul 2018 10:36 (UTC +04:00)
Sahilə “Kamaz”lardan tullantı boşaldanlar cərimə olundu
Sahilə “Kamaz”lardan tullantı boşaldanlar cərimə olundu

Bakı. Trend:

Bakı Şəhər Ekologiya və Təbii Sərvətlər Departamentinin əməkdaşları tərəfindən Xəzər rayonu ərazisində ətraf mühitin mühafizəsi haqqında qanunvericiliyin tələblərinə riayət olunmasını yoxlamaq məqsədilə reyd keçirilib.

Nazirliyin mətbuat xidmətindən Trend-ə verilən məlumata görə, keçirilən reydlər zamanı rayonun Xəzər dənizinin sahil zolağına “Kamaz” markalı 99-KZ-932, 90-CR-686 və 10-CD-468 dövlət qeydiyyat nömrə nişanlı avtomobillərdən tullantıların boşaldıldığı faktı aşkar edilib.

Faktlarla bağlı avtomobillərin sahibləri Saleh Cəfərov, Rauf Məmmədov və Elməddin Vəliyev barəsində protokollar tərtib edilib və qanun pozucularının hər biri İnzibati Xətalar Məcəlləsinə əsasən 700 manat məbləğində cərimə olunublar.

Məqalədə:
Xəbər lenti

Xəbər lenti