Bakıda müəlliflik hüququ və əlaqəli hüquqların kollektiv əsasda idarə edilməsinə dair beynəlxalq regional seminar işə başlayıb (FOTO)

Bakıda müəlliflik hüququ və əlaqəli hüquqların kollektiv əsasda idarə edilməsinə dair beynəlxalq regional seminar işə başlayıb (FOTO)

Bakı. İlhamə İsabalayeva - Trend:

Azərbaycan Respublikasının Əqli Mülkiyyət Agentliyi və Ümumdünya Əqli Mülkiyyət Təşkilatının (ÜƏMT) Bakıda keçirdiyi "Müəlliflik hüququ və əlaqəli hüquqların kollektiv əsasda idarə edilməsi: əsas prinsiplər və beynəlxalq təcrübə" mövzusunda beynəlxalq regional seminar işə başlayıb.

Trend-in məlumatına görə, böyük maraqla qarşılanan bu beynəlxalq tədbirdə Polşa, Türkiyə, Rusiya, Ukrayna, Qazaxıstan və digər ölkələrdən xarici qonaqlar iştirak edir: ÜƏMT, CISAC, Avrasiya İqtisadi Komissiyası, Sony-Music kimi beynəlxalq təşkilatlar geniş təmsil olunur. Tədbirdə Azərbaycan Respublikası Əqli Mülkiyyət Agentliyinin İdarə Heyətinin sədri Kamran İmanov beynəlxalq regional seminarın mövzusunun aktuallığından danışıb.

Diqqətə çatdırıb ki, texnologiyaların təsiri altında dinamik şəkildə dəyişən dünya, meydana çıxan qlobal çağırışlar milli dövlətlərin qarşısında davamlı inkişaf yollarını axtarmaq vəzifələri qoyur. Müstəqil inkişaf yolu olan Azərbaycan bu gün ölkə rəhbərliyinin təşəbbüsü ilə başlamış və müsbət inkişaf üçün bütün pozitiv imkanları optimallaşdırmağa yönələn islahatların yeni mərhələsindən keçir. İctimai tələblərə adekvat islahatlar cəmiyyət həyatının bütün sahələrini əhatə edir. Azərbaycan "Doing Business-2019" reytinqinə görə 190 ölkə arasında 25-ci yerdə, o cümlədən "biznesin başlaması" göstəricisi üzrə 9-cu, "kiçik investorların maraqlarının qorunması" üzrə 2-ci, "vergilərin ödənilməsi" üzrə 28-ci yerdədir. "Doing Business-2020" hesabatında Azərbaycan yüksək nəticə ilə 34-cü yeri tutaraq, hətta "kreditlərin əlçatanlığı" göstəricisinə əsasən, birincidir və islahatçı 20 ölkə sırasına daxil edilib.

Dünya İqtisadi Forumunun "Qlobal rəqabətqabiliyyətlilik indeksi–2019" hesabatında Azərbaycan 11 pillə irəliləyərək, 141 ölkə arasında 58-ci yeri tutur və 12 indikatordan 8-i üzrə irəliləyib. Bununla da ölkənin inamlı innovasiyalı inkişafı təsdiqlənir. Belə ki, Azərbaycan qanunvericiliyin effektivliyi subindeksinə görə 13-cü, rəqəmli biznes modellərinə hüquqi çərçivənin uyğunlaşması üzrə 23-cü, hökumətin dəyişikliklərə olan reaksiyası üzrə 5-ci və hökumətin gələcəyə yönəlmiş fəaliyyətinə uzaqgörənliyinə görə 10-cu yerləri tutur.

Kamran İmanov bildirib ki, son rəqabətqabiliyyətlilik indeksinə əsasən, Azərbaycan "əqli mülkiyyətin qorunması" göstəricisi üzrə 141 ölkə arasında 30-cu yerdə qərarlaşıb. Burada diqqəti cəlb edən odur ki, 2015-2016-cı illərdən, yəni islahatların yeni mərhələsindən başlayaraq, bu göstərici ardıcıl olaraq yaxşılaşır. 2015-ci ildə 92-ci yerdən 2016-2017-ci illərdə – 71-ci, 2017-2018 – 37-ci, sonra 36-cı və nəhayət 2019-cu ildə 30-cu yerdə qərarlaşıb. Buna paralel olaraq, patent sifarişlərində də artım görünür.

Bu ilin oktyabr ayında ÜƏMT-nin Baş Assambleyasında Azərbaycan Büdcə və Proqram Komitəsinə seçilib, rotasiya əsasları ilə Koordinasiya Komitəsində təmsil olunacaq və Azərbaycanın nümayəndəsi ilk dəfə olaraq, müəllif hüququ üzrə 1886-cı ildən qüvvədə olan və 170 ölkəni birləşdirən məşhur Bern Konvensiyası Assambleyasının sədri vəzifəsinə layiq görülüb. Əqli Mülkiyyət Agentliyinin İdarə Heyətinin sədri vurğulayıb: "Bütün bunlar Prezident İlham Əliyevin islahatlarının dərinləşdirilməsinin qiymətləndirilməsidir, islahatların davamlılığına verilən beynəlxalq dəyərdir, bir tərəfdən dövlət başçımızın iqtisadi strategiyasının doğru yolda olmasıdır, digər tərəfdən institusional islahatların həyata keçirilməsinin nəticəsidir.

Əqli mülkiyyət sahəsi həyata keçirilən islahatların innovasiyalı əsasları ilə dəqiq rezonans yaradaraq, bunların nəticəsində əhəmiyyətli, institusional və funksional dəyişikliklərlə müşahidə olunur. Əqli Mülkiyyət Agentliyi yaradılıb, onun mandatı həm müəlliflik hüquqları və əlaqəli hüquqlar sahəsini, həm də sənaye mülkiyyəti sahəsini əhatə edir. Agentliyin tabeliyində Patent və Əmtəə Nişanlarının Ekspertizası və Əqli Mülkiyyət Hüquqlarının Təminatı mərkəzləri yaradılıb, Respublika Elmi-Texniki Kitabxanası onun tərkibinə verilib.

Texnologiyaların transferi və kommersiyalaşdırılması mərkəzlərinin və İnnovasiyalara dəstək mərkəzlərinin yaradılması və onların fəaliyyəti üzrə genişmiqyaslı iş aparılır. Beləliklə, aparılmış islahatlar nəticəsində özündə vəhdət təşkil edən üçlük formulu: koqnitivlik, kreativlik və kommersiyalaşmanı birləşdirən özünəməxsus idarəetmə modeli aktuallaşıb".

Bu müvəffəqiyyətlərlə yanaşı, müəllif-hüquq sahəsində kollektiv idarəetmə məsələlərinin önəminə diqqət çəkən Kamran İmanov bildirib ki, müəllif-hüquq sisteminin bu istiqaməti yaradıcıları stimullaşdırmalı, onların əsərlərinin istifadəsi ilə bağlı qonorar yığımını təşkil etməli, hətta müəllifləri layiqincə həvəsləndirməklə müəllif-hüquq sisteminin nüfuzunu artırmalıdır. Odur ki, Əqli Mülkiyyət Agentliyi ÜƏMT qarşısında təşəbbüslə çıxış edərək, bu beynəlxalq regional seminarın keçirilməsinə nail oldu.

Əqli Mülkiyyət Agentliyinin Idarə Heyətinin sədri bildirib ki, konfransda müzakirəyə çıxarılan məsələlər sırasında böyük əhəmiyyətə malik olan problemlər mövcuddur. Kamran İmanov deyib: "İlk növbədə, regionun müəllif hüquqları və əlaqəli hüquqlarla bağlı kollektiv idarəetmənin hüquqi bazasının müqayisəli təhlilidir. Bu sıraya rəqəmsal erada kollektiv idarəetmə qarşısında duran yeni çağırışlar və onlara adekvat cavabların axtarışı daxildir. Hesab edirəm ki, kollektiv idarəetməyə strateji yanaşma – hüquq sahiblərinin müstəsna hüquqlarının məhdudlaşdırılması və bununla bağlı məcburi və könüllü kollektiv idarəetmənin həyata keçirilməsi, dövlət və ya özəl kollektiv idarəetmə təşkilatlarına üstünlüyün verilməsi aktual problemlərdən biridir. Nəhayət, kollektiv idarəetmənin şəffaflığı, dürüstlüyü, transparentliyi, korporativ maraqlara, ayrı-seçkiliyə yox, yalnız hüquq sahiblərinin mənafeyinə xidmət edilməsi, dövlətin bu təşkilatlarla bağlı nəzarət sisteminin səmərəliliyinin artırılması məsələsidir.

Həmin məsələlər ətrafında müzakirələrin aparılmasını, uğurlar və həllini gözləyən problemlər üzrə rəylərin səslənməsini, qabaqcıl təcrübənin mübadiləyə çevrilməsini, bir sözlə, bütün bunları kollektiv idarəetmənin gələcəyi naminə verilən töhfə kimi qiymətləndirirəm".

Kamran İmanov qeyd edib ki, mədəni müxtəlifliyə hörmət və ehtiram mədəni hüquqların, o cümlədən əqli mülkiyyət hüquqlarının həyata keçirilməsindədir. Bu isə öz növbəsində kreativliyin və yenilikçiliyin həvəsləndirilməsidir. Fərdi səviyyədə buna qulluq edən müəlliflik hüququ və sənaye mülkiyyəti obyektlərinin qorunmasına dair qanunvericilik bazası və onu icra edən dövlət orqanı və digər sahə subyektləridir. Kütləvi (icma, etnos, millət) səviyyədə isə ənənəvi mədəni nümunələrin (folklorun) və ənənəvi biliklərin qorunmasına aid müvafiq qanunvericilik və icrasını təmin edən müvafiq orqandır. Azərbaycanda bu sadalanan funksiyaları yerinə yetirən Əqli Mülkiyyət Agentliyidir. KİT-ları isə müəllif-hüquq sahəsinin subyektləridir.

"Xarici qonaqların, peşəkarların bu tədbirdə iştirakını nəzərə alaraq, qeyd etməliyəm ki, əqli mülkiyyət obyektlərinin başında mədəni ənənələr durur, bu dünyaya gəldiyimiz gündən və beşikdən başlayaraq son mənzilimizə qədər bizi müşayiət edən də ənənələrdir. Ənənələrdə etnosun həm təbii-bioloji, həm də yaradıcı – mənəvi gücü və qüdrəti təbiətlə və doğma torpaqla bağlıdır. Milli təfəkkür və fərdi təəssübkeşlik, etnik dərketmə və fərdi səciyyə, mənəvi dəyərlər və fərdi davranış stereotipləri – bütün bunlar doğma yurdla, əcdadlarla ayrılmaz tellərlə əlaqədədir.

Sadalanan etnoloji və etnoqrafik üzvi əlaqələr: "insan – yaşadığı məkan", "doğma torpaq – bədii şüur", "yaradıcı təfəkkür - təbiət" öz əksini adət-ənənələrdə tapır, "milli ruhun arxeologiyası" adlanır, qocalmağa məruz qala bilməyən, canlı, daim inkişafda olan varidatımızdır, bizim elə keçmişimizdir ki, onsuz bu günümüzün gələcəyi yoxdur. Bunlar bizim keçmişimizin tərəqqisidir və bu günümüzün tərəqqisi sabahkı yeni ənənəyə çevriləcək", - deyə Agentliyin İdarə Heyətinin sədri vurğulayıb. Kamran İmanov qeyd edib ki, son elmi araşdırmalara görə, ənənələrdə cəmləşən folklor və ənənəvi biliklərin təbii yaranma və inkişaf yolu müəyyən ərazidə iqlim, flora, faydalı qazıntıların yoluna bənzəyir və tarixi proses bu ənənələri vacib təbii resursa və milli sərvətin çox dəyərli hissəsinə gətirib çıxarır. Bununla ənənələr nəinki mədəni, eləcə də iqtisadi, ərazi inkişafı alətinə çevrilir. Deməli, ənənələrin daimi olan mədəni-humanitar vacibliyi ilə yanaşı, onun qorunması əhəmiyyətli dərəcədə sosial-iqtisadi inkişaf aləti olmasından da irəli gəlir.

Oktyabrın 25-də Bakıda Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşünün keçirildiyini xatırladan Kamran İmanov Prezident İlham Əliyevin həmin tədbirdə söylədiyi nitqindən sitat gətirib: "Azərbaycanın dövlət müstəqilliyinin cəmi 28 yaşı var. Bir həftə öncə - oktyabrın 18-də müstəqilliyimizin bərpa olunması gününü qeyd etdik.

Azərbaycanın tarixi torpağı olan Dağlıq Qarabağ və ətrafındakı yeddi rayon - ölkəmizin beynəlxalq səviyyədə tanınmış ərazilərinin təxminən 20 faizi iyirmi beş ildən artıqdır ki, Ermənistanın işğalı altındadır. Ermənistan azərbaycanlılara qarşı etnik təmizləmə siyasəti aparmış və nəticədə bir milyondan artıq azərbaycanlı qaçqın və məcburi köçkün vəziyyətinə düşmüşdür...

Qarabağ əzəli Azərbaycan torpağıdır və münaqişə yalnız Azərbaycanın suverenliyi və ərazi bütövlüyü çərçivəsində həll olunmalıdır".

Agentliyin İdarə Heyətinin sədri deyib ki, işğal olunmuş ərazilərdə və bu torpaqlardan qovulan sakinlərin – Azərbaycan vətəndaşlarının öz mədəni irsini yaşatmaqdan məhrum olması Ermənistan tərəfinin törətdiyi çirkin əməllərin bir tərəfidir. Digəri isə ərazilərimizə göz dikən və erməniçiliyin "böyük Ermənistan" xülyası ilə yaşayan bədnam qonşularımızın ərazi iddialarını "əsaslandırmaq" üçün maddi və qeyri-maddi mədəni irsimizə təcavüz edərək, bunu "Azərbaycan mədəni ənənələrinin mənimsənilməsi erməni ənənəsi"nə çevirməkdə davam etməsidir. "Xarici qonaqlarımız bilməlidirlər ki, bu xüsusi növ piratçılıq – erməni-hay plagiatçılığı, mənimsəməsi, özününküləşdirilməsi və saxtakarlıqları faktlarıdır. Bir sözlə, söhbət xalqımıza və Azərbaycan vətəndaşlarına məxsus olan əqli mülkiyyətin oğurlanmasından gedir.

Bu gün maddi-mənəvi dəyərlərin, qədim mədəniyyət nümunələrinin, müəllif əsərlərinin özününküləşdirilməsi faktları qloballaşma prosesini müşayiət edən "zərərsiz plagiat" cəhdləri kimi dəyərləndirilməməlidir. Bu gün ermənilər tərəfindən türk xalqına, xüsusən azərbaycanlılara xas qədim abidələrin, folklorun, xalq musiqisinin, mətbəx nümunələrinin, xalçaların, rəqslərin, eləcə də musiqi alətlərinin və müəllif əsərlərinin məqsədli şəkildə mənimsənilmə cəhdləri heç də "mədəniyyətlərarası inteqrasiya prosesi"nin təzahürü deyildir. Belə səylərin arxasında siyasi maraqların dayanması birmənalıdır. Məqsəd azərbaycanlılara məxsus maddi-mədəniyyət irsini özününküləşdirməklə, hayların guya Cənubi Qafqaz regionunun "ən qədim köklü sakinləri" olmasına, "böyük hay mədəniyyəti", "böyük Ermənistan" xülyasının gerçəkləşdirilməsinə dair saxta "faktoloji materiallar" toplamaq və bu barədə beynəlxalq ictimaiyyətdə yanlış rəy yaratmaqdır.

Bir sözlə, erməni plagiatının kökləri ərazi iddiaları ilə sıx əlaqəlidir, işğal edilmiş Azərbaycan torpaqlarını imkan çərçivəsində özündə saxlayaraq, digər torpaqlara göz dikməkdədir.

Bu tendensiya çox xatalıdır, beynəlxalq cəmiyyətin firavan gələcəyi üçün bəlalı və problemlər yaradan bir fəsaddır. Odur ki, "Azərbaycan mədəni ənənələrinin özününküləşdirilməsi erməni-hay ənənəsi" və onun müasir residivlərinə sipər çəkilməlidir və biz əqli mülkiyyətin keşiyində dayanan təşkilat kimi bu faktların ifşasında gücümüzü əsirgəməyəcəyik", - deyə Kamran İmanov vurğulayıb.

Beynəlxalq regional seminarda çıxış edən ÜƏMT-nin Müəllif Hüquqlarının İdarəetmə Departamentinin direktoru Benua Müller aktual mövzuya həsr olunan tədbirin yüksək səviyyədə təşkilinə görə Azərbaycan hökumətinə təşəkkürünü bildirib, burada iştirakından məmnunluğunu ifadə edib. Diqqətə çatdırıb ki, sürətlə dəyişən dünyada müəlliflik hüquqları ilə məşğul olanların və maraqlı tərəflərin müvafiq sahədə vacib olan faktları və strategiyanı araşdırmaları, göstərilən səyləri qiymətləndirmələri çox vacib məsələlərdir. Bir sıra hallar mövcuddur ki, fərdi şəkildə əqli mülkiyyət hüquqlarının idarə edilməsi praktik baxımdan qeyri-mümkündür. Bu kimi problemlərin, habelə qanunvericilik mexanizmləri və onların tətbiqində çətinliklərin, əqli mülkiyyətlə bağlı qanunvericiliyin prioritetlərində öncül məsələnin müəyyənləşdirilməsi ilə bağlı müzakirələr aparılması, fikir və təcrübə mübadiləsi baxımından Bakıda təşkil edilən beynəlxalq regional seminar böyük əhəmiyyət daşıyır.

ÜƏMT-nin Keçid və inkişaf etmiş ölkələr departamentinin Qafqaz, Mərkəzi Asiya və Şərqi Avropa ölkələri bölməsinin müdiri İlya Qribkov biliklərə əsaslanan iqtisadiyyatda əqli mülkiyyət, eləcə də müəllif hüquqlarının qorunmasının vacibliyini qeyd edib, aparılacaq müzakirələrin problemlərin həll yollarının müəyyənləşdirilməsinə kömək edəcəyinə əminliyini bildirib.

Tədbirdə “ÜƏMT-nin müəllif hüquqları və əlaqəli hüquqlar üzrə müqavilələrinin qəsa icmalı. Audiovizual ifalara dair Pekin Müqaviləsi: həyata keçirilmənin mümkün şərtləri və variantları; milli həllərin müqayisəli təhlili”, “Regionda müəllif hüquqları və əlaqəli hüquqların kollektiv idarə olunması üçün hüquqi baza və perspektivlər”, “Regionda müəllif hüquqları və əlaqəli hüquqların kollektiv idarə olunması: praktik çağırışlar və imkanlar” mövzularında məruzələr dinlənilir və müzakirələr aparılır.

Beynəlxalq regional seminar oktyabrın 30-da davam edəcək.

PSA və FCA Stellantis avtokonserni adı altında birləşəcəklər
PSA və FCA Stellantis avtokonserni adı altında birləşəcəklər
Amazon şirkəti məsafədən iş rejimini  8 yanvar tarixinə qədər uzatdı
Amazon şirkəti məsafədən iş rejimini 8 yanvar tarixinə qədər uzatdı
Azərbaycan 2021-ci ildə elektron biznesi genişləndirməyi hədəfləyir
Azərbaycan 2021-ci ildə elektron biznesi genişləndirməyi hədəfləyir
Loading Bars
Xəbər lenti
Tovuzda döyüşlər davam edir, 1 hərbçimiz şəhid oldu
“Abituriyentlər üçün dərs vaxtı”nın sabahkı cədvəli açıqlanıb
Azərbaycanın ən çox məhsul ixrac etdiyi ölkələrin adları açıqlanıb
Fransa Azərbaycanlılarının Koordinasiya Şurası bəyanat yaydı
Azərbaycan Prezidenti: Biz Ermənistanla imitasiya naminə danışıqlar aparmaq, mənasız videokonfranslar keçirmək fikrində deyilik
İyulun 17-də dolların manata qarşı məzənnəsi
Almaniyada Ermənistan səfirliyi qarşısında aksiya keçiriləcək
Azərbaycanda daha 493 nəfər koronavirusa yoluxdu, 561 nəfər sağaldı, 8 nəfər öldü
Prezident İlham Əliyev: Bizim siyasətimiz Azərbaycana illər boyu daha çox dostlar qazandırıbdır
11-ci sinif şagirdləri üçün keçirilmiş buraxılış imtahanlarının nəticələri açıqlandı
Prezident İlham Əliyev: Azərbaycan haqqında bəzi hallarda gedən yanlış məlumata dərhal adekvat reaksiya verilməlidir
Azərbaycan Prezidenti: Kadr siyasətində şəxsi tanışlıq, rəğbət, dostluq əlaqələri yox, peşəkarlıq, vətənpərvərlik və milli dəyərlər əsas olmalıdır
Bakıda yük maşını yanıb (VİDEO)
Belarus mətbuatında Ermənistanın Tovuz istiqamətində törətdiyi təxribatı pisləyən məqalə dərc edilib (FOTO)
Prezident İlham Əliyevin hücum diplomatiyasının nəticəsidir ki, Azərbaycan dünyada söz sahibi olan ölkəyə çevrilib
Azərbaycan Prezidenti: Ermənistan öz destruktiv addımları, qeyri-konstruktiv bəyanatları, sərhəddə və təmas xəttində törətdikləri hərbi cinayətləri ilə bütün bu danışıqlar konstruksiyasını məhv edir
Polşada Azərbaycan Ordusuna dəstək aksiyası keçirilib (VİDEO)
Prezident İlham Əliyev: Prezident Trampın mənə göndərdiyi bir çox məktublarda Amerika Birləşmiş Ştatlarının Azərbaycana xoş münasibəti öz əksini tapıb
Prezident İlham Əliyev: Türkdilli dövlətlər bizim üçün qardaş ölkələrdir və bütün türkdilli dövlətlərlə çox gözəl münasibətlərimiz var
Prezident İlham Əliyev: Azərbaycan müsəlman aləminin bir parçasıdır və beynəlxalq təşkilatlarda biz tərəfdən ən çox dəstək alan ölkələr müsəlman ölkələridir
Ermənistanda keçmiş çağırışçıların və hətta əlillərin səfərbərliyi başlayıb
Prezident İlham Əliyev: Biz heç vaxt bizi qane etməyən, yaxud da ki, bizə hansısa problem yarada biləcək sazişə imza atmarıq
Prezident İlham Əliyev və birinci xanım Mehriban Əliyeva “Böyükşor” yarımstansiyasının açılışında iştirak ediblər (FOTO)
Azərbaycan Prezidenti: Bu gün Azərbaycana qarşı çirkin kampaniya aparan, özünü azərbaycanlı kimi təqdim edən, əslində, ermənilərdən də pis olan ünsürlərin mütləq əksəriyyəti yaşadıqları ölkələrin xüsusi xidmət orqanlarının nəzarətindədir
Prezident İlham Əliyev: Bəzi hallarda bizim səfirliklərimizdə çalışan insanlar öz işinə laqeyd yanaşırlar, passiv olurlar, ölkəmizin maraqlarını lazımi səviyyədə müdafiə və təmin edə bilmirlər
Vaqif Dərgahlının adından saxta profil açılıb
Prezident İlham Əliyev: Biz xarici siyasət prioritetlərimizi açıq şəkildə bəyan edirik və məqsədlərə çatmaq üçün ardıcıl siyasət aparırıq
Prezident İlham Əliyev Ceyhun Bayramovu Xarici İşlər naziri təyin olunması ilə əlaqədar videoformatda qəbul edib (FOTO)
Nazirlik Ermənistan tərəfinin Mingəçevir Su Anbarını vuracaqları barədə iddialarına cavab verdi
Ermənistanın Tovuz rayonu istiqamətində atəşkəs rejimini pozması dünyada sülh və əminamanlığa növbəti təhdiddir
Prezident İlham Əliyev Özbəkistanın dövlət başçısına məktub göndərib
İran XİN: İran Azərbaycan və Ermənistan arasında vasitəçiliyə hazırdır
Kaspersky: Braziliyada yaradılan zərərli bank proqramları dünyadakı istifadəçilərə hücum edir
17 nəfərə 180 dənə profilimiz var - AXCP üzvlərinin qeybətxana şousu (VİDEO)
Vaqif Dərgahlı: Yeni hücumlarına bəraət qazandırmaq üçün ermənilər qəsdən dezinformasiya yayırlar
Elmira Süleymanovaya Prezidentin fərdi təqaüdü verildi - SƏRƏNCAM
Ceyhun Bayramov Xarici işlər naziri təyin edildi
Elmar Məmmədyarov Xarici işlər naziri vəzifəsindən azad edildi
Hikmət Hacıyev: Ermənistan Silahlı Qüvvələri mülki obyektlərin arxasında gizlənərək Azərbaycanı ittiham edirlər
Könüllü hərbi xidmətə getmək istəyənlər sırasında xanımlar da var - RƏSMİ
Dünəndən etibarən könüllü hərbi xidmət üçün 4 min vətəndaş rəsmi qeydiyyata alınıb - Dövlət Xidməti
Könüllü hərbi xidmət üçün müraciət edənlərin hamısı qeydiyyatdadır - Arzu Rəhimov
Müəllimlərin işə qəbulu üzrə müsahibələr onlayn keçiriləcək
Ermənistanın hərbi təcavüz aktına Minsk Qrupu konkret münasibət bildirməlidir - Prezidentin köməkçisi (FOTO)
Elmira Süleymanova: Qəhrəmancasına şəhid olmuş balalaramızın rütbəsindən asılı olmayaraq hər birini ürək ağrısı ilə əbədi mənzilə yola saldıq
Koronavirus Azərbaycanda yeni peşələrin yaranmasına səbəb oldu
Elçin Mirzəbəyli: Əli Kərimlinin nümayəndələri kütlənin içinə girərək insanları qanunsuz əməllərə sövq etməyə çalışıblar
İranın dini liderinin nümayəndəsi Ermənistanın təxribatını pisləyib
Hikmət Hacıyev: Ermənistan silahlı qüvvələrinin təxribatı davam edir
İyul ayının bütün pensiya ödənişləri başa çatdırılıb
PAŞA Həyat Sığorta və PAŞA Sığorta şirkətləri COVID-19 pandemiyasına qarşı mübarizə üçün Kubadan Azərbaycana həkimlərin cəlb olunmasına dəstək oldu
Qaradağda 27 yaşlı gənc cərəyan vurmasından ölüb
İranda daha 2 500 nəfər koronavirusa yoluxub, 198 nəfər ölüb
Vaqif Dərgahlı: Düşmən ərazisində Azərbaycan Ordusunun heç bir ölən və yaralanan hərbi qulluqçusu yoxdur
Müdafiə Nazirliyi xəbərdarlıq etdi: Ermənilərdən sizə mesaj gələ bilər
Qan Bankında bütün qan qruplarının ehtiyatı mövcuddur
Avropa Parlamenti Ermənistanın təxribatı ilə bağlı bəyanat yayıb
Ermənilərin atəşləri nəticəsində dağılan evlər (FOTO)
Vaqif Dərgahlı: Bölmələrimiz heç vaxt yaşayış məntəqələrini atəşə tutmur
Silahlı şəxslər saxlanılıb - Əməliyyat (FOTO/VİDEO)
Nikolas Lebel: Ermənistan Dağlıq Qarabağ və ətrafındakı bölgəni faktiki olaraq işğal etməklə beynəlxalq qanunları pozmaqda davam edir
Kütləvi tədbirlər, aksiyalar ölkəni epidemioloji baxımdan çətin duruma sala bilər - Rəşad Mahmudov
Azərbaycan-Ermənistan sərhədində baş verən hadisələr Niderland mətbuatında işıqlandırılıb
Təxribata yol vermək olmaz - Rauf Əliyev
Sabah Bakıda 35, rayonlarda 38 dərəcə isti olacaq
Düşmənin başına vurulan ağır zərbə - Tovuz döyüşləri
Füzuli Musayev cəbhəyə mahnı həsr edib (AUDİO)
Prezidentə yazırlar: Güclü ordumuz Sizin sayənizdə torpaqlarımızı düşməndən azad edəcək
Gecə yağan yağışın miqdarı açıqlanıb - Faktiki hava
Ermənistan niyə sərhəddə vəziyyəti gərginləşdirməyə çalışır? - ŞƏRH
Azərbaycan Ordusunun döyüş qabiliyyəti və döyüş ruhu çox yüksəkdir - Rauf Əliyev
Quraqlıq Aran rayonlarında taxılın becərilməsində problemlər yaradıb, digər bölgələrdə isə yüksək artım var - Nazir
XİN-in həbsdə olan əməkdaşının şikayəti təmin edilmədi
Pandemiya dövründə əhalinin ərzağa xərclədiyi vəsaitin məbləği açıqlanıb
İtaliya mətbuatı: Ermənistanın son təxribatları Azərbaycanın strateji tərəfdaşı olan İtaliyanı narahat edir
Səfərbərlik və Hərbi Xidmətə Çağırış üzrə Dövlət Xidməti məlumat yaydı
Dillər Universitetində "Çin dili körpüsü" onlayn müsabiqəsi (FOTO)
Azərbaycanda ilk dəfə “Biznes Davamlılığının İdarəetməsi” sertifikatına layiq görülən şirkət “AzInTelecom” oldu
Ermənilərin Azərbaycana məxsus PUA-nı vurması yalanının ifşası (FOTO)
Pərvin Kərimzadə: Düşmənə qarşı milli birlik, həmrəylik nümayiş etdirməliyik
Məhkəmə Ağstafa rayon icra başçısının həbsdə olan müavininin şikayətini rədd etdi
Sahil Babayev: DOST mərkəzləri ilə bağlı işlər davam etdirilir
Baş Prokurorluq: Tovuzda yaşayış məntəqələrinin atəşə tutulması ilə bağlı cinayət işi başlanıb
Şəmkirdə sosial şəbəkələrdə yürüş keçiriləcəyi ilə bağlı saxta məlumat paylaşanlar saxlanılıb (VİDEO)
Ermənistan ağlını başına yığsın – Türkiyə XİN
Şəhid ailələri və müharibə əlillərinə 200 mənzil və 100 avtomobil veriləcək
Ermənistanda koronavirusdan ölənlərin sayı 607 nəfərə çatıb
Ermənistana məxsus PUA məhv edilib
Kaliforniyada yaşayan azərbaycanlılar Ağ ev administrasiyasına petisiya ünvanlayıblar
Tovuzda baş verənlər Türkiyədə yaşayan azərbaycanlıları ayağa qaldırıb (FOTO)
ARDNF-nin ilk 6 ayda neft və qaz sazişləri ilə bağlı daxilolmaları 5 milyard manata yaxın olub
Siyavuş Novruzov: Radikal ünsürlər Ermənistanın təcavüzkar siyasətini dəstəkləməkdən çəkinmirlər
Leysan Yaponiyada 15 mindən çox binaya ziyan vurub
Müdafiə Nazirliyi: Azərbaycana məxsus tank vurulmayıb
Deputat: Uğursuzluqlarla üzləşən Ermənistan hakimiyyəti təxribatlar törətməklə diqqəti yayındırmağa çalışır
BTA Azərbaycanın dövlət sərhədində baş verənlərlə bağlı bəyanat yayıb
Bu ilin birinci altı ayında dövlət büdcəsinin gəlirləri və xərcləri açıqlanıb
Vaqif Dərgahlı: Ermənilərin Azərbaycana məxsus 13 PUA-nı vurması yalandır
Hazırda su anbarlarında cəmi 11,3 milyard kubmetr su var - RƏSMİ
Deputat: Ermənistanın təxribat törətməklə KTMT dəstəyini qazanacağı arzusu elə arzu olaraq da qaldı
Bütün xəbərlər