...

Azad Rəhimov: Bu il 206 gənc xarici ölkələrə ezam olunub

Cəmiyyət Materials 27 Dekabr 2019 15:45 (UTC +04:00)
Cari ildə Azərbaycanda gənclər siyasəti sahəsində 143 tədbir keçirilib.
Azad Rəhimov: Bu il 206 gənc xarici ölkələrə ezam olunub

Bakı. Trend:

Cari ildə Azərbaycanda gənclər siyasəti sahəsində 143 tədbir keçirilib. Onlardan 124-ü yerli, 19-u isə beynəlxalq səviyyəli olub.

Trend-in məlumatına görə, bunu Gənclər və İdman naziri Azad Rəhimov dekabrın 27-də media nümayəndələri ilə görüşdə deyib.

Regionlarda nazirlik tərəfindən 129 kütləvi aksiya təşkil edildiyini bildirən A.Rəhimov qeyd edib ki, 206 gənc xarici ölkələrə ezam olunub, 1308 gənc isə Azərbaycana gəlib: "Azərbaycan Gəncləri Günü münasibətilə cari il fevralın 1-də Bakı Konqres Mərkəzində Prezident İlham Əliyevin və Birinci vitse-prezident Mehriban xanım Əliyevanın iştirakı ilə keçirilən gənclərin respublika toplantısında 3500-dək gənc iştirak edib. Həmin toplantıda 6 nəfərə “Gənclər üçün Prezident Mükafatı” təqdim olunub".

Məqalədə:
Xəbər lenti

Xəbər lenti