...

FHN 750 ailəyə ərzaq yardım edib (FOTO)

Cəmiyyət Materials 18 Aprel 2020 13:06 (UTC +04:00)
FHN 750 ailəyə ərzaq yardım edib (FOTO)

Trend-i buradan izləyin

Bakı. Samir Əli - Trend:

Azərbaycan Respublikasının Prezidenti cənab İlham Əliyevin "Biz birlikdə güclüyük!" çağırışına əsasən, Fövqəladə Hallar Nazirliyi ölkəmizdə koronavirus (COVID-19) pandemiyasının yayılmasının qarşısının alınması məqsədilə hazırda davam edən xüsusi karantin rejimi ilə əlaqədar müxtəlif tədbirlər, o cümlədən sosial dəstək tədbirləri həyata keçirir.

Fövqəladə Hallar Nazirliyindən Trend-ə verilən məlumata görə, növbəti belə tədbir Bakı şəhərinin Xəzər rayonunda keçirilib.

Belə ki, rayon ərazisində yaşayan xüsusi karantin rejiminin qaydalarına uyğun olaraq sosial izolyasiya şəraitində evdən çıxmaları qadağan edilən yaşı 65-dən yuxarı tənha şəxslərə və aztəminatlı ailələrə, o cümlədən şəhid ailələrinə baş çəkilib, onlara ərzaq məhsullarından ibarət yardımlar çatdırılıb.

750 ailəyə yardım çatdıran FHN əməkdaşları vətəndaşlarla maarifləndirici söhbətlər apararaq, xüsusi karantin rejiminin qaydalarına riayət olunmasının vacibliyindən də danışıblar.

Məqalədə:
Xəbər lenti

Xəbər lenti