...

Bu gündən qripə qarşı vaksinasiya tədbirlərinə başlanılıb

Cəmiyyət Materials 12 Oktyabr 2020 15:38
Bu gündən qripə qarşı vaksinasiya tədbirlərinə başlanılıb

Trend-i buradan izləyin

Bakı. İlhamə İsabalayeva - Trend:

Bu gündən ölkədə qrip və kəskin respirator virus infeksiyalarına qarşı profilaktik və əksepidemik tədbirlərin, həmçinin infeksiya üzərində epidemioloji monitorinqin gücləndirilməsi məqsədi ilə vaksinasiya tədbirlərinə başlanılıb.

Bunu Trend-ə Azərbaycanın baş infeksionisti Təyyar Eyvazov deyib.

Onun sözlərinə görə, bu vaksinasiya tədbirləri tibb işçiləri - həkim və orta tibb personalı, hamilə qadınlar, xroniki tənəffüs sistemi xəstəliyi olan 6 aydan böyük uşaqlar, orta və yaşlı insanlar üçün keçirilir.

T.Eyvazov bildirib ki, 2020-2021-ci ilin payız-qış mövsümündə respublikada qrip və kəskin respirator xəstəliklərə qarşı profilaktik tədbirlərin gücləndirilməsi üçün vaksinasiya tədbirləri bir ay ərzində həyata keçiriləcək.

Payız-qış aylarında adətən kəskin respirator virus infeksiyalarına yoluxma sayının artdığını deyən baş infeksionist vaksinasiyanın pandemiyaya qarşı əks epidemik tədbirlərdən biri olduğunu nəzərə çatdırıb.

Məqalədə:
Xəbər lenti

Xəbər lenti