Bakı.Trend:
Humanitar atəşkəs rejimini kobud şəkildə pozan Ermənistan silahlı qüvvələri Bərdə şəhərini "Smerç” yaylım atəşli reaktiv sistemindən atəşə tutub. Ölən və xəsarət alanlar var, mülki infrastruktura ziyan dəyib.
Bu barədə Trend-ə Müdafiə Nazirliyindən məlumat verilib.
Baş prokurorluqdan Trend-ə verilən məlumata görə, 14 nəfər həlak olub, 40-dan çox yaralı var.
XXX
13:53
Ermənilər Bərdəni yenidən raket atəşinə tutub.
Trend-in məlumatına görə, hadisə nəticəsində ölənlərin olduğu bildirilir.
Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev də “Twitter”də Bərdənin atəşə tutulmasında yazıb. Bildirib ki, Tərtərdən sonra Bərdəyə də raket hücumu həyata keçirib:
"Ermənilər mülki şəxslərin dünənki qətlindən heç bir dərs çıxarmır".
