Bakı. Ceyla Əliyeva, tərcümə Orxan Nəbiyev - Trend:
Avropa İttifaqının Azərbaycanda peşə təhsili sisteminin modernləşdirilməsinə yönəlmiş, "Gələcək üçün peşə təhsili sistemi: peşə təhsili sistemi nümayəndələrinin öncül təcrübəsinin inkişafı" adlı dördillik layihəsi təhsil sisteminin təkmilləşdirilməsi yolunda ölkəyə dəstək göstərəcək.
Trend-in məlumatına görə, bunu BMT-nin İnkişaf Proqramının daimi nümayəndəsi Alessandro Frakassetti deyib.
O qeyd edib ki, 5,8 milyon avro dəyərində layihə sayəsində Azərbaycan gəncliyi gələcək üçün zəruri ixtisas əldə edəcək və bu da öz növbəsində Azərbaycan iqtisadiyyatının inkişafına töhfə verəcək.