Bakı. Trend:
9-11 dekabr 2021-ci il tarixlərində Azərbaycan Respublikası Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzi, Mərkəzi Gömrük Hospitalı və Mərkəzi Gömrük Hospitalının rəsmi tərəfdaşı Florence Nightingale Xəstəxanalar Qrupunun birgə təşkilatçılığı ilə Ümummilli lider Heydər Əliyevin anım gününə həsr edilmiş "Pediatriyada aktual mövzular: müasir tibbi yeniliklərin təcrübədə tətbiqi" mövzusunda Beynəlxalq Elmi Konqres həyata keçiriləcək.
3 gün ərzində həyata keçiriləcək konqresdə Azərbaycan və Türkiyənin qabaqcıl özəl, dövlət və universitet xəstəxanalarının professor heyəti tərəfindən 9 paneldə ümumilikdə 27 məruzənin dinlənilməsi nəzərdə tutulub. Pediatriyanın aktual mövzularını əhatə edəcək və müasir tibbi yeniliklərin təcrübədə tətbiqinə zəmin yaradacaq konqresdə yerli və beynəlxalq ekspertlər arasında məlumat mübadiləsinin təmin edilməsi məqsədilə sual-cavab sesiyaları və panel müzakirələri də həyata keçiriləcək. Beləliklə konqres ümumilikdə həm dinləyicilər həm də məruzəçilər arasında interaktiv müzakirə platformasına çevriləcək.
Konqresdə iştirak etmək istəyən KİV nümayəndələri [email protected] ünvanına e-mail yazaraq onlayn dəvətnamə formasını əldə edə bilərlər.
Konqresin proqramının linki: https://customshospital.az/12-dekabr-pediatriyada-aktual-movzular-muasir-tibbi-yeniliklerin-tecrubede-tetbiqi/?fbclid=IwAR0jA1hPxG2a3Euas32Z6X5SgBdjT_5KkbhNF9zhq7yuVcGMUihjKZMTcus#gsc.tab=0