Bakı. Trend:
20 yaşda üzünüzü sizə təbiət verir. 30-da onu həyat düzəldir. 50 yaşda isə onu siz özünüz qazanmalısınız...
İnsanın daxili yaşı onun zahiri yaşı ilə nadir hallarda üst-üstə düşür. Cavanlıq arxasınca qaçaraq çoxları plastik cərrahlara müraciət edirlər. Bu da əbəs deyil!
Üz gərmə ən populyar və cərrahlardan ən çox soruşulan bir əməliyyatdır. Bu məqalədə mən sizə əməliyyat haqda maksimum əlçatan, qısa, məzmunlu informasiya verməyə çalışacağam.
Feysliftinq nədir?
Feysliftinq bütün yaş dəyişikliklərini götürür. Üzə kontur dəqiqliyi verir. Cazibədarlığı qaytarır. Geniş plastik əməliyyatlar spektrini özündə birləşdirir. Cərrahi feysliftinqin aparılması 40 yaşdan yuxarı kişi və qadınlara tövsiyə olunur. Daha gənc yaşda bir sıra əməliyyatsız üsullar yardımı ilə üz dərisində liftinq effektinə nail olmaq mümkündür. Üzün dairəvi gərilməsi sayəsində yumşaq toxumaların sallanması probleminin də öhdəsindən uğurla gəlmək olar. Bu zaman üz 10-12 yaş cavanlaşa bilər.
Üz gərilmə əməliyyatının aparılması üçün göstərişlər
Əməliyyat bu yaş dəyişikliklərinin aradan götürülməsi üçün məsləhət görülür:
- Dəri sallaqlığı və atoniyası;
- Əzələ və fasiya düşüklüyü (sallaqlığı);
- Bilinən (görünən) burun-dodaq qatları;
- İkiqat buxaq (çənə altı);
- "Buldoqluq"ların yaranması; yanaqların sallaqlığı və s.
Savadlı aparılmış cərrahi əməliyyatdan sonra üz konturları və üz ovalı bərpa olunur. Yaşın yaratdığı çatışmazlıqlarla birgə zahiri yorğunluq və "qaşqabaqlı" üz ifadəsi də yox olur.
Üzün aşağı üçdə birinin gərilməsi qırışları götürür. Sallanmış yanaqları ləğv edir. Burun-dodaq qatlarını hamarlayır. Bu zaman icra olunan yanaq korreksiyası estetik cəhətdən yaraşıqsız "buldoq" bənzərliyindən də qurtulmağa kömək edir.
Yaşlı pasiyentlərdə üzün aşağı üçdə birinin gərilməsi adətən boyungərmə ilə müşayiət olunur. Bu halda boyun-çənəaltı nahiyədəki qırışlar və "ikinci" buxaq ləğv edilir.
Üzün üst (yuxarı) hissələrinin korreksiyası üçün frontliftinq metodikası tətbiq edilir. Qaşlar və göz qapaqlarının gərilməsi baxışı daha gənc və aydın edir. Gözləri "açır". Alıngərmə isə qaşlararası dərin qatları və köndələn (əks) qırışları hamarlayır.
Bütün üz və boyun səthindəki yaş dəyişikliyi korreksiyası üçün üzün dəyirmi gərilməsi (dairəvi uz germe) metodikası tətbiq edilir.
Üzgərmə əməliyyati necə aparilir və əməliyyat sonrasi dövr
Əməliyyat ümumi narkoz altında keçirilir. Keçirilmə müddəti gərilmənin növündən asılı olur. 30 dəqiqədən 7 saatadək sürə bilər.
Feysliftinq zamanı kəsik yerləri təbii qat bölgələrində seçilir. Bu da əməliyyat sonrası çapıqları görünməz edir. Əməliyyat aparıldıqdan sonra 24 saat stasionarda tibbi personal nəzarətində qalmaq tövsiyə edilir. Hematomalar 14 günə sorulur. Reabilitasiya dövrü 2 aydan 6 ayadək çəkir.
Bu əməliyyatdan sonra xanım pasiyentlər görünüşcə 10-15 yaş "cavanlaşırlar".
İlk növbədə - konsultasiyadir.
Yazılın və yanıma konsultasiyaya gəlin. Nüanslar və cavabsız qalan suallarınıza konsultasiyada aydınlıq gətiriləcək. Həmçinin yeniliklərdən xəbərdar olmaq üçün saytımı izləyin, Facebook və İnstaqram səhifələrimi izləməyi unutmayın.
Mübariz Məmmədli
Plastik, estetik və rekonstruktiv cərrah
https://drmubariz.az/blog/19-endoskopik-qas-qaldirma-ve-alin-germe-emeliyyati.html
FOTO Əvvəl və Sonra
