...

Xocalı soyqırımı ilə bağlı Danimarka hökumətinə və parlamentinə müraciət edilib

Cəmiyyət Materials 26 Fevral 2022 15:46
Xocalı soyqırımı ilə bağlı Danimarka hökumətinə və parlamentinə müraciət edilib

Trend-i buradan izləyin

Bakı. Trend:

Danimarkada yaşayan azərbaycanlılar Xocalı soyqırımının 30-cu ildönümü ilə əlaqədar ölkənin rəsmi qurumlarına müraciət ediblər.

Diasporla İş üzrə Dövlət Komitəsindən Trend-ə verilən məlumata görə, “Vətən” Danimarka-Azərbaycan Cəmiyyətinin sədri Səfər Sadiqinin imzası ilə ölkənin Baş naziri Mette Frederiksenə, ölkə parlamentinin sədri Henrik Dam Kristensenə, xarici işlər naziri Yeppe Koffoda ünvanlanan bəyanatda 1992-ci il fevralın 25-dən 26-na keçən gecə Ermənistan silahlı birləşmələrinin və terrorçu dəstələrinin sovet ordusunun Xankəndidə yerləşən 366-cı motoatıcı alayının koməyi ilə Xocalı şəhərində dinc əhaliyə qarşı misli görünməmiş amansızlıqla soyqırımı törətdiyi barədə ətraflı məlumat verilib.

Qeyd edilib ki, BMT Baş Assambleyasının 11 dekabr 1946-cı il tarixli 96 (I) saylı qətnaməsinə və 9 dekabr 1948-ci il tarixli 260 (III) saylı qətnaməsi ilə qəbul olunan Soyqırımı Konvensiyasına əsasən, Xocalı sakinlərinin etnik mənsubiyyətlərinə görə və əvvəlcədən düşünülmüş niyyətlərlə kütləvi şəkildə qətlə yetirilməsi soyqırımı kimi şərh edilməlidir.

Soydaşlarımız beynəlxalq təşkilatları və ayrı-ayrı dövlətləri Xocalı faciəsini soyqırım aktı və bəşəriyyətə qarşı cinayət kimi tanımağa çağırıblar.

Qeyd edək ki, Diasporla İş üzrə Dövlət Komitəsinin dəstəyi ilə dünyanın 40 ölkəsində Xocalı soyqırımının 30 illiyi ilə əlaqədar 150-yə yaxın tədbirin keçirilməsi nəzərdə tutulur.

Məqalədə:
Xəbər lenti

Xəbər lenti