Bakı. Trend:
Metronun "Elmlər Akademiyası" stansiyasının çıxışında yerləşdirilmiş ''BakıKart'' terminalındakı problem aradan qaldırılıb.
Bu barədə Trend-ə ''BakıKart''dan bildiriblər.
"Belə problemlər əsasən ödəniş terminalına yararsız əskinas daxil etmək istədikdə baş verir. ''BakıKart'' aparatlarında nasazlıq yaranan kimi sistemimiz həmin nasazlığı qeydə alır və əməkdaşlarımız tərəfindən aradan qaldırılır", - deyə ''BakıKart''dan bildirilib.
Qeyd edək ki, ''BakıKart'' terminalında iki gündür ki, pul yükləməkdə problem yaşanırdı. Bu da terminal qarşısında pik saatlarda uzun növbələrə səbəb olurdu.