...

Bakıda sürət həddi endirilən yollarda nişanların quraşdırılmasına başlanıldı

Cəmiyyət Materials 25 Mart 2023 14:27 (UTC +04:00)
Bakıda sürət həddi endirilən yollarda nişanların quraşdırılmasına başlanıldı
Samir Əli
Samir Əli
Bütün xəbərlər

Bakı. Trend:

Bakı Nəqliyyat Agentliyi tərəfindən yol hərəkəti təhlükəsizliyi səviyyəsinin artırılması, nəqliyyat axınlarının effektiv idarəolunması məqsədilə 14 yol sahəsində sürət hədlərinin endirilməsi ilə Baş Dövlət Yol Polisi İdarəsi ilə razılaşdırılma əsasında nişanların quraşdırlımasına başlanılıb.

Bakı Nəqliyyat Agentliyindən Trend-ə verilən məlumata görə, sözügedən yol sahələrində mərhələli şəkildə müvafiq yol nişanları quraşdırılır. Maksimum sürət həddini göstərən yol nişanları ilk olaraq Heydər Əliyev prospekti, Mərdəkan şosesi-Zuğulba yolu, Mikayıl Əliyev prospekti və Bibiheybət yollarında quraşdırılır. Sürücülərdən yol nişanlarının tələbinə uyğun olaraq tətbiq edilən yeni sürət həddinə riayət etmələrini xahiş edirik.

Onu da qeyd edək ki, statistikalar paytaxt ərazisində baş verən yol nəqliyyat hadisələrinin əsas səbəblərindən birinin də, yüksək sürət həddi olduğunu göstərir. Avtomobil yollarında icazə verilən sürət hədlərinin optimallaşdırılması Azərbaycan Respublikası Prezidentinin Sərəncamı ilə təsdiqlənmiş “Azərbaycan Respublikasında yol hərəkətinin təhlükəsizliyinə dair 2019–2023-cü illər üçün Dövlət Proqramı”nda da öz əksini tapmışdır.

Xəbər lenti

Xəbər lenti